Дополнување на Упатството за царинење на стока, во делот II Дејства пред поднесување на царинската декларација и создавање подобри услови за процесот на увоз на стоки во Република Македонија, во насока на заштита на компанијата увозник од несакани последици при увозот, односно намалување на одговорноста на увозникот/примателот на стоката/купувачот во однос на документацијата за чие пополнување и содржина, истиот лично не е одговорен

Да се направат построги критериуми во Кодексот за однесување на царинските службеници согласно кои постојано би се следело нивното работење и однесување. Да се вршат почести интерни контроли и да им се укажува на почитувањето на Кодескот за однесување на царинските службеници

 Да се намалат царинските давачки за увоз на репроматеријали од земјите надвор од ЕУ, кои сега се 10% или пак да се изедначат со стапките на ЕУ за увоз на репроматеријали на 7,5% со што би се зголемила конкурентноста на македонските производи на пазарот во ЕУ, а со тоа би се зголемил и извозот

 Измена и дополнување на Царинскиот закон, целосно ревидирање на Глава 2 – Прекршочни одредби (од член 263 до 269А) со намалување на износот за глобите кои се изрекуваат за прекрошоците и воспоставување на категоризација на царинските прекршоци. Дополнително, максималните износи кои се уредени во ЦЗ се во износи кои се многу повисоки од максимумот уреден со Законот за прекршоци (од 5.000 евра)

 Да се предвиде рок не подолг од 3 (три) години за задржување на стоката во постапка на царинско складирање, и по истекот на рокот Царинската управа да има обврска да ја преземе царинската стока и да ја продава на лицитација и од добиените средства да се покриваат трошоците на царинскиот склад, постапката за лицитирање и другите давачки кон државата